Comun di Gonârs

Vrhnika, citât zimulade

Ricercje svelte


< vai al contenuto centrale




150 agns da la Unitât di Italie

 

Ancje Gonârs al à fat fieste pal 150n aniversari da la Unitât di Italie.

Ai 16 di Març aes 11 ta la palestre di base 200 fruts des primariis coordenâts da la professoresse Cristina Stradolini a àn cjantât l’Imni di Mameli, il Va Pensiero e l’Imni da la Europe.

Aes 8.30 sore sere li dal polifunzionâl di Favuîs, lis celebrazions a son ladis indenant cuntune serade di musiche e poesie. In plui dai imnis istituzionâi a son stadis fatis lis cjançons plui rapresentativis, ancje di musiche lizere, che i talians a àn cjantât da la Unitât al dì di vuê.

La serade e je stade vierte da la leture di une poesie inedite componude par la ocasion dal mestri Renzo Cecotti e dedicade al tricolôr.

Si son esibîts i Côrs da la Associazion Musicâl C.E.Di.M., il côr parochiâl “Vos di Cjstiel”, il Côr parochiâl di Favuîs e il Côr parochiâl di Antognan.

Ai 17 di Març, a buinore e je stade prontade la cerimonie da la alcebandiere te place Giulio Cesare a la presince di autoritâts civîls e militârs.

Une cerimonie compagne e je stade fate plui tart te place Grande a Palme dulà che il Comun e il Sindic di Gonârs a jerin presints adun cui confenons e i Sindics dal Palmarin.