Comun di Gonârs

Vrhnika, citât zimulade

Ricercje svelte


< vai al contenuto centrale




Cerimonie di memoreament cjapitani Oreste Salomone

 

Tal timp de prime vuere mondiâl sul teritori di Gonârs a forin insediâts un piçul ospedâl militâr e un cjamp di aviazion, che al fasarà di base di supuart par azions impuartantis dai avions militârs talians cuintri il teritori austro ongjarês.

In particolâr une di chestis azions si ricuarde tal monument a la Aviazion che al è su la parêt ovest des scuelis mediis di Gonârs

Al è un basrilêf di bronç, realizât tal 1968 dal artist furlan Gigi Di Luca che al memore la azion di vuere dai 18 di Fevrâr dal 1916 dal Maiôr pil. Oreste Salomone, che, unic superstit dal ecuipaç dal so bombardîr Caproni “Aquila Romana” al rivà a fâ une rivade a tiere di emergjence tal cjamp di aviazion di Gonârs, ancje se al jere stât ferît tal moment di un combatiment aeri cui Fokker une vore svelts  da la aviazion austro ongjarese.

L’acjadiment al è contât tal romanç “Notturno“ di Gabriele d’Annunzio che in chê dì al varès vût di jessi su la Aquila Romana par cjapâ part a la azion di vuere.

L’aniversari da la mission e il Maiôr Oreste Salomone, prime medaie di aur ta la storie da la aeronautiche militâr taliane, a son stâts memoreâts ai 18 di Fevrâr a la presince dai rapresentants da la Associazion Arme Aeronautiche di Palme, dai Alpins e dai Bersalîrs di Gonârs, da la AFDS di Gonârs e des classis des scuelis mediis dal Istitût Comprensîf di Gonârs.