Comun di Gonârs

Vrhnika, citât zimulade

Ricercje svelte


< vai al contenuto centrale




40m Aniversari da la Polisportive Libertas

 

 

Ta la palestre di base di Gonârs ai 20.05.2012 e je stade fate une grande manifestazion par la celebrazion dal cuarantesim aniversari da la fondazion da la associazion sportive “Libertas Gonars”.

Denant di un public di plui di 300 personis, autoritâts, dirigjents, socis, volontaris, atletis e ex atletis, il president di cumò Silvano Menon al à contât la storie da la societât, nassude tal 1971, che e à cjapât dentri i zovins e lis fantatis dal paîs tal basket, tal volley, tal tenis, te atletiche lizere e te bale a man.

Te sale a jerin presints l’Assessôr regjonâl al sport Elio De Anna, il deputât Ivano Strizzolo, aministradôrs vecjos e gnûfs dal Comun di Gonârs, dirigjents regjonâi dal Coni e des federazions sportivis di basket, volley e bale a man.

Sul palc a son passâts e a son stâts premiâts i dirigjents, i alenadôrs e lis vecjis gloriis da la societât.

A àn vût un ricognossiment ancje lis atletis di cumò che a son campionessis talianis Giada Masolini e lis sûrs Boaro.

Il Sindic Marino Del Frate al à ringraciât ducj chei che in chescj 40 agns si son impegnâts pal bon funzionament da la societât e pal otigniment dai obietîfs di preseament dulà che e je rivade.

L’Assessôr De Anna, ringraciant ducj par la presince, al à sotlineât l’impegn da la Regjon pal sport e la culture che a àn vût destinâts 40 milions di euros, ricognossint la valence no dome sportive ma ancje sociâl e solidari da la Libertas.

E je stade une vore spietade da la int presinte la promesse dal pussibil completament dal finanziament dal palaçut dal sport a Gonârs. L'Assessôr al à dit di jessi disponibil a concedilu suntun progjet definitîf par une opare di meti in cantîr il prin pussibil.