La ricete dal Sindic

 

La ricete dal Sindic 2012. Seste edizion. Concors di cusine risiervât ai Sindics dal Friûl - Vignesie Julie

Ai 3.5.2012 tal Europalace Hotel di Monfalcon e je stade fate la finâl de “La Ricete dal Sindic” promovude da la Union Cogos Fvj e dal Ial, concors che e à chê di valorizâ e fâ cognossi i prodots locâi par un svilup e un ûs cussient dai bens dal teritori regjonâl.

La manifestazion e à cjapât dentri dutis lis scuelis superiôrs pe formazion turistiche alberghire par favorî la difusion di une corete culture gastronomiche locâl.

La gare di cusine pai prins citadins e je stade pensade par dâ la massime publicitât a la cusine cun prodots a Km zero, un sisteme di plui di  promozion da la agriculture e dal cumierç locâi, avonde insolit e tratîf.

A misurâsi cui fornei, denant di une zurie atente, a son stâts i prins citadins di: Buie, Cjarlins, Cuar di Rosacis, Duino Aurisina, Faedis,  Gonârs, Tisane, Mueç, Monfalcon, Pavie, Pontebe, Sedean, Torean, Trivignan, Udin,  Vençon, Pordenon, Cjanive, San Denêl, Budoie, Montreâl, Spilimberc, Tramonç Disot.

Par Gonârs al à preparât il plat l’Assessôr Alberto Budai (creme di pane e formadi in polente e foncs tal scartòs di frico crocant).

A concuistâ il podi Tramonç Disot, Torean e Pontebe.

Il prin premi al jere fat di un gustâ ufiert dai organizadôrs a dute la citadinance dal Comun che al à vinçût.

A la serade da la premiazion, dulà che a son stâts cjapâts sù 2500 euros pai fruts in cure al CRO di Davian, al jere presint il Sindic Marino Del Frate.