Supercross - 21 di Lui dal 2012

Un event ecezionâl pal nestri Comun, la Provincie di Udin e dute la Regjon Friûl Vignesie Julie, cjapâts dentri intune competizion di Supercross Internazionâl.

Pe prime volte in assolût, sabide ai 21 di Lui dal 2012 tal rinovât circuit Chiaponat si son sfidâts pilotis che a rivin di dut il mont pal titul Internazionâl di Italie.

Cun chel cjamp di gare e je stade fate la manifestazion valide tant che 4e prove pal Campionât Internazionâl di Italie Supercross in dutis lis classis SX1 - SX2 - SX125 - SXJ SuperMini (pilotis dai vot agns finîts).

Denant di plui di 4.000 spetatôrs il Supercross Internazionâl al à consegnât il titul di campion 2012 pes classis SX1 a Angelo PELLEGRINI.

E je stade splendide la suaze dal anfiteatri di Gonârs, iluminât a dì, in gracie da la trasformazion puartade dal Moto Club Edi in colaborazion cun cualchi grande aziende, il Comun e la Regjon FVJ che a àn contribuît sedi in maniere economiche sedi cui lavôrs a la realizazion dal event, dimostrant une grande passion e la volontât di realizâ une piste di cross degne di ospitâ events internazionâi a Gonârs.