Inaugurazion scuele primarie - 22 di Setembar dal 2012

 

Lei il discors dal Sindic Marino Del Frate a la cerimonie di inaugurazion

 

 

Sabide ai 22 di Setembar dal 2012 aes 10.30 e je stade fate la cerimonie di inaugurazion da la scuele primarie daspò dai lavôrs di ristruturazion a la presince dal Senatôr da la Republiche Mario Pittoni, il Conseîr regjonâl Alessandro Colautti, il President da la Provincie Pietro Fontanini e l’Assessôr regjonâl Riccardo Riccardi.

Il Sindic Marino Del Frate al comente «cheste opare e je la testemoneance dal impegn de nestre aministrazion par fâ deventâ la nestre scuele simpri plui moderne, eficiente e integrade intun mont globalizât».

I lavôrs a son stâts finanziâts cun fonts statâi, regjonâi e par buine part cun fonts propris par un impuart di 390.000 €.

Denant dai 200 arlêfs, dal cuarps dai insegnants e dai gjenitôrs, i fruts si son esibîts intune recite su Edmondo de Amicis, a àn intonât une cjançon inedite pe inaugurazion des scuelis, componude pe ocasion e a àn consegnât al Sindic un diplome di “Maestro ad Honorem” pe ativitât fate in chescj agns a pro dal Istitût scolastic.

Al è stât presentât a la comunitât di Gonârs il logo da la scuele primarie dal Istitût comprensîf di Gonârs, opare dai fruts, che al sarà metût tal ingrès dai edificis da la scuele stesse.

Il Sindic al à ringraciât ducj chei che a àn permetût la realizazion da la opare: in plui des autoritâts presintis sul palc al è stât nomenât l’inzegnîr Fabiano Candotto, progjetist e diretôr dai lavôrs, la dite di costruzion F.lli Roppa, che e à donât a la comunitât lis persianis metudis tai sieraments gnûf, la dite RAL che si è ocupade dai sieraments, la dite Color PEA che si è ocupade da la piture di internis e esternis, la dite Idrotermosistem che e à curât la funzionalitât dal implant di riscjaldament e la dite Eletrix che si è ocupade dal implant fotovoltaic.

Daspò a son stâts il tradizionâl rinfresc e il tai di une torte cu la imagjin da la gnove scuele primarie.