Comun di Gonârs

Vrhnika, citât zimulade

Ricercje svelte


< vai al contenuto centrale




Orientâsi tal parc - 24 di Novembar dal 2012

 

 

La ANA di Gonârs, in colaborazion cu la Direzion Didatiche dal Istitût Comprensîf e la Societât Alpine Furlane alpinisim dai zovins e il supuart economic da la Regjon Friûl Vignesie Julie e à organizât l'event "Orientâsi tal Parc", coordenât dal Conseîr comunâl Denis Tirelli dulà che a àn cjapât part plui di 100 students des scuelis mediis e des classis V elementârs. La manifestazion e à l’obietîf di incressi tai zovins e in chei mancul zovins il sens naturâl dal orientament, movintsi sul teritori dal Parc dal Cuar di Gonârs e pes stradis dal paîs, in autonomie totâl, a traviers da la leture des cjartis topografichis.

Il program al previodeve un cors propedeutic di dôs setemanis fat dai volontaris da la Societât Alpine Furlane alpinisim dai zovins cul supuart dai insegnants di educazion fisiche e po, ta la zornade di vinars ai 23 di Novembar, la consegne a ducj i partecipants des maiutis cul steme dal event.

Ta la zornade di sabide ai 24 di Novembar, daspò dal salût dal Sindic e dal gustâ alpin fat ta la palestre di base ufiert da la ANA locâl, e je stade fate la esercitazion pratiche dulà che i partecipants si son sfidâts par completâ in mancul timp pussibil il percors segnât tal Parc dal Flum Cuar, sît di interès comunitari, a la presince dai insegnants e dai alpins che a àn supuartât la manifestazion in dutis lis sôs fasis.

A son stâts impuartants l'entusiasim e la sodisfazion di fantats e grancj che a àn proponût di tornâ a fâ l’event te vierte che e ven slargjant la partecipazion a ducj i arlêfs des scuelis elementârs e dai lôr gjenitôrs.

Daspò a son stadis fatis lis premiazions dai grups a la presince dal Conseîr regjonâl Alessandro Colautti e dal president da la sezion locâl Ana Franco Franz.