ASÎL NÎT

Descrizion

Cu la delibare di C.C. n. 13 dai 15.04.2005, il Comun di Gonârs al à istituît l’acet dai frutins.

L’acet dai frutins al cjape une funzion sociâl e educative di primarie impuartance par la prime infanzie par vie che al è come fin chel di sigurâ un ecuilibrât svilup psicofisic dal frut integrant la funzion da la famee e colaborant a la prevenzion des situazions di disvantaç psicofisic e soci culturâl. Chest al vûl rispuindi a la necessitât di facilitâ e di contribuî a la soluzion dai problemis che a cjatin lis fameis tal stâ daûr ai fîs, in particolâr par chês dulà che a son a vore ducj i doi i gjenitôrs.

Scomençant cul mês di Setembar dal 2011, par la durade di nûf agns educatîfs, l’apalt par la concession dal servizi di asîl nît comunâl al è stât adiudicât da la “ORIZZONTE Soc. Coop A R.L.” di Morùs (UD).

A cui isal diret

L’asîl nît al da acet ai fruts di 3 a 36 mês di etât, dividûts daûr di chestis fassis: frutins di lat (di 3 a 12 mês), dislatâts a mieç (di 13 i 23 mês) e dislatâts (di 24 a 36 mês).

A puedin usufruî dal servizi cun prioritât i frutins che a son a stâ tal Comun di Gonârs, po chei che a son a stâ tai Comuns che a fasin part da la Associazion Intercomunâl dal Palmarin e, a la fin, che che a son a stâ in altris Comuns e cun chei si podaran stipulâ convenzions a pueste.

Dulà e cuant

vie Nazario Sauro, 13 – 33050 Favuîs
Tel. 342 5710244

Periodi di ativitât: dal 1 di Setembar ai 31 di Lui dal an dopo.