Pignarûl 2012

 

Ancje chest an a son stâts piâts i tradizionâi pignarûi.

A Gonârs la fieste e je stade organizade di "Chei e simpri chei" che a gjestissin la manifestazion dal fûc e a cjapin part a la organizazion dal conciert da la Epifanie a Favuîs, in colaborazion cul Comun e il mestri Marcolini.

A la manifestazion a àn cjapât part “Chei e simpri chei”, “Miez mil”, “Il Salotto d’Argento, “I alpins”.

Bogns i auspicis che il vieli venerabil al à gjavât fûr.

Ancje a Favuîs al è stât piât un pignarûl par opare da la associazion ricreative culturâl, mieze ore prime di chel di Gonârs. Ancje li i auspicis a son stâts bogns.

O ringraciìn la Protezion civîl che, in particolâr a Favuîs, e a scugnût meti atenzion par vie che lis faliscjis si jerin direzudis viers lis machinis fermis, parcadis li ator.

Ancje chest an la comunitât no je rivade a fâ fieste come che si varès di fâ te ocasion dal fûc de Epifanie. Cuant che e je rivade la notizie da la muart di Luca la musiche e je stade studade.