Cunvigne "Trufis e imbrois a personis anzianis"

Ai 23.04.2012 li da la sale dal centri civic di Favuîs e je stade fate une serade di informazion par la citadinance su "Trufis e imbrois a personis anzianis".

Il relatôr al jere il Cjapitani Alfio Gullotta che al à ilustrât lis tecnichis plui frecuentis dopradis dai criminâi in dam dai anzians, conseant i compuartaments plui adats pe prevenzion di chescj events e par colaborâ cu lis fuarcis dal ordin cul fin di reprimiju.

Par integrâ la esposizion al jere presint il lutignint Antonio Tomaiuolo.

Tal moment dal dibatit che al è vignût daûr il Sindic Marino Del Frate al à rilevât in ce maniere che di solit a sedin propit i sogjets plui debii chei che a son cjapâts di smire dai malintenzionâts.

Cun cheste iniziative o vin la sperance di contribuî a incressi il nivel di atenzion des personis a risi che spes, in buine fede, si compuartin di mût di cirî di jessi di jutori par chei altris e invezit a son imbroiadis. Duncje te otiche di dâi un jutori concret, si fidin dai conseis dai carabinîrs di mût che i nestris anzians a vedin un nivel di atenzion plui alt par evitâ chestis situazions displasevulis.