Fieste "Il Salotto - Punto d'Incontro"

 

Al 1n di Mai dal 2012 e je stade fate la tradizionâl fieste organizade da “Il Salotto punto d’incontro” li de palestre di base di Gonârs.

A la manifestazion convivial e di bal a àn cjapât part cirche 200 ospits rivâts dal comun e dal teritori dongje.

La manifestazion e je une des tantis iniziativis che la Associazion e organize tant che moments impuartants agregazion pai nestris concitadins come che a son lis seradis di bal, i dopodimisdì dedicâts al zûc da la tombole e lis gjitis in tantis bandis da la Italie.

A jerin presints il Conseîr Elisetta Moretti e il Sindic Marino Del Frate che a àn laudât lis iniziativis dai volontaris ringraciantju par chel che a fasin par la comunitât e in maniere particolâr parcè che a son disponibii a prestâ la lôr opare al 1n di Mai, fieste dal lavôr.

Il Sindic al à comunicât l’iminent inizi dai lavôrs pe costruzion dal Centri Diurni previodût te aree Gandin auspicant une colaborazion tra lis associazions a valence sociâl dal comun pe gjestion dai servizis che cheste gnove struture e furnirà.