40m Consacrazion dal Domo di Gonârs

 

Ai 30 di Mai dal 2012 aes 8 sore sere tal Domo di Gonârs Sô Ecelence Andrea Bruno Mazzocato, Vescul di Udin, al à concelebrât la Messe solene pal 40m aniversari da la consacrazion da la glesie.

La afluence da la popolazion e je stade impuartante. Al jere presint il Sindic Marino Del Frate cuntune rapresentance da la Aministrazion comunâl.

Il vescul al à ringraciât i predis che a son stâts ta Parochie di Gonârs tai ultins 40 agns, in particolâr al à ricuardât pre Estelino Colombaro che al veve volût in maniere fuarte cheste glesie e al jere rivât a realizâle cu la colaborazion e il contribût da la citadinance.

A son stâs fats un ricuart particolâr e afetuôs e un ringraciament al architet Della Mea, che al à realizât il progjet dal Domo, a la presince da la vedue e dai fîs dal architet stes che a jerin a la cerimonie.

Daspò al è stât fat un moment conviviâl e di incuintri cu la citadinance ta la cripte sot dal Domo.