Pedalade gonarese / Concors fotografic

Sabide ai 2 di Jugn dal 2012 e je stade fate la 28e “Pedalata Gonarese” e il 2t concors fotografic “Memorial Mario Boemo” trofeu “Udinese Calcio”, organizât da “Le Zebre”, Udinese club feminîl di Gonârs.

La partecipazion a la manifestazion sportive e je stade une vore alte e e à viodût un grum di premiâts (fruts plui piçui, partecipants plui vecjos, fameis numerosis, grups, grups scolastics, bicicletis stranis, partecipant che al rivave di plui lontan), cence tignî in considerazion cemût che a son rivâts ta la pedalade.

La premiazion e je stade fate tal cors da la fieste “Biciclete, sport e ort” te aree des fiestis di vie Monte Grappa par opare dai rapresentants dal Udinese club, dal Sindic di Gonârs Marino Del Frate e dal Conseîr regjonâl Alessandro Colautti, intune atmosfere di fieste popolâr tra lis taulis di gastronomie tipiche e stands che a proponevin prodots a Km zero.

Daspò e je stade fate ancje la premiazion dal concors fotografic “Memorial Mario Boemo” pai fantats des scuelis mediis e elementârs di Gonârs.