Fieste "Associazion Sportive Diletantistiche Comunâl Gonârs"

 

Partide  vecjis gloriis - titolârs.

 

Aes 8 sore sere li dal cjamp sportîf comunâl al è stât fat l’incuintri tra lis vecjis gloriis da la societât sportive e i titolârs da la prime scuadre.

L’inizi (dome chel!) al è stât dât dal Sindic Marino Del Frate che al à declarât la sô incapacitât no dome a zuiâ ma ancje a arbitrâ.

La partide e je durade cirche 40 minûts e nissun al sa cemût che e je finide, ancje se dut câs e je stade finide dai rigôrs che ogni zuiadôr al à tirât.

Il vicesindic Luca Sedrani, rapresentant da la Aministrazion comunâl ta la scuadre des vecjis gloriis al à disputât une partide otime, tocjant la bale dôs voltis e sbregantsi daspò di pôcs minûts di zûc.

Dut al è lât a finîle di amions tal barachin de la associazion.