11 di Jugn dal 2012 - Elisir d'amore

 

Te zornade dai 11 di Jugn tal parc des machinis in bande al Domo di Gonârs, intune serade cul timp inciert, ma sugjestîf cuntun cîl plen di tons e fulmins, ma cence ploie, e je stade fate la rapresentazion da la opare Elisir d’amore di Gaetano Donizetti, cjantade dai mestris da la academie musicâl di Santa Croce di Triest, direts dal mestri Alessandro Svab, e dai frut des scuelis elementârs direts da lis mestris Nadia Olivo e Cristina Stradolini.
La rapresentazion e je stade organizade dal Comun di Gonârs, in colaborazion cul Circul artistic culturâl “Le Androne”, e e rapresente la prime des trê manifestazions che il circul culturâl gonarês al organize tal Istât.
E je la prime volte che tal paîs si organize la rapresentazion di une opare liriche in version integrâl.
Notevul il fat di vêle puartade in sene di fûr cu la suaze maraveose dal Domo e dal tor.