Argonauti day - 8 e 15 di Jugn

 

A van indenant lis ocasions di incuintri pai paîs zimulâts di Gonârs e Vrhnika.

La Aministrazion comunâl e je stade invidade come ducj i agns al Argonauti day e chest an al colave il vincjesim aniversari.

Te zornade dai 8 di Jugn e je stade fate la cerimonie di viertidure a la presince des rapresentancis di Gonârs, Vrhnica e Volos, citadine greche zimulade cui ospits.

Come ogni an a son stadis ricuardadis lis impresis di Giasone a la ricercje dal toson di aur e la sô rivade da la Colchide a Neuportus, il vecjo non di Vrhnika, lant insù pal cors dal flum Danubio e dai siei afluents.

Sugjestîf il passaç cerimoniâl dal impiament des fugheris fat dai rapresentants des trê citâts zimuladis.

Tal dopodimisdì da la zornade dai 15 di Jugn il côr dai fruts des scuelis primariis di Gonârs, coordenât da la professoresse Cristina Stradolini si è esibît in cjants istituzionâi e tradizionâi da la nestre tiere.