Fieste de Sierade - 14 di Otubar

 

Come ogni an e je stade fate la cerimonie dal zimulament cu la citât di Vrhnika tal cors da la fieste de Sierade, apontament tradizionâl pal cumierç, la esposizion dai prodots a km zero, par la rassegne da la enogastronomie dal teritori, par la promozion dal associazionisim che e je stade fate a Gonârs ai 14 Otubar.

Prin e je stade la sfilade tradizionâl pal paîs cu la musiche da la bande di Palme, po il Sindic di Gonârs Marino Del Frate, il Sindic di Vrhnika Stojan Jakin, il Conseîr regjonâl Alessandro Colautti e l’Assessôr provinciâl Daniele Macorig a àn fat i tradizionâi discors daspò da la esibizion dal côr da la scuele di musiche Cedim diret di Tamara Mansutti e dal côr dai fantats e des scuelis elementârs diret di Cristina Stradolini che a àn fat i imnis nazionâi, l’imni european e il “Va, pensiero”.

Po su la place dal municipi si son esibîts il côr e il balet in costum dai grups folkloristics da la citât zimulade di Vrhnika.

Daspò dal tradizionâl scambi dai dons la ASD C. Gonârs e à ufiert il gustâ ai ospits e a lis autoritâts.