Premiazions "ecelencis scolastichis"

 

 

Ai 20 di Dicembar dal 2012 ta la palestre des scuelis mediis, denant di 250 arlêfs, di un centenâr di gjenitôrs e dal grup di insegnants, e je stade fate la cerimonie di premiazion des ecelencis scolastichis, risiervade ai students da la scuele secondarie di prin grât che a son spicâts par profit e compuartament, che a àn otignût la medie dal vot tes variis dissiplinis e une valutazion dal compuartament no sot dal nûf.
L’an passât il ricognossiment al è lât a 18 arlêfs, chest an i premiâts a son 25.
Il ricognossiment economic al è stât metût a disposizion da la Fondazion CRUP, dai Comuns di Gonârs e Bicinins e dai insegnants da la scuele medie.
I students meritevui a son: Giacomo Bortolussi, Matteo Copiz, Anna Fachin, Nicole Pozzo, Sofia Aizza, Greta Petiziol, Sara Pittaro, Sara Strizzolo, Samuele Budai, Giona Fabro, Lia Giorgione, Ivan Aiza, Martina Bolzon, Samuele Cattaruzzi, Annalisa Di Tommaso, Vittorio Quaia, Martina Uccheddu, Giulia Bolzon, Filippo Di Tommaso, Leonardo Candotto, Manuela Lazzaro, Linda Sclauzero, Marta Moretti, Kelly Di Blas, Elia Zarcone.
Ta la ocasion a son stâts fâts savê ancje i vincidôrs da la borse di studi istituide dal Comun di Gonârs par visâ Chiara e Federico, muarts tal 2010 intun teribil incident su la Napoleoniche. Si trate di Linda Sclauzero, Alex Masini e Lia Giorgione (pe sezion “conte”); Samuele Vicedomini, Giulia Penz e Eva Strizzolo (pai elaborâts grafics).
I fruts a son stâts premiâts dal dirigjent scolastic prof. Gilberto della Negra, dai Sindics di Gonârs e Bicinins Marino Del Frate e Dino Strizzolo, dai Assessôrs a la Culture di Gonârs e Bicinins, Emanuele Baggio e Laura Strizzolo e dal Conseîr da la Fondazion CRUP Fornasiero Casimiro.
Tai lôr intervents lis autoritâts a àn sotlineât la impuartance dal impegn scolastic e dal studi, ma ancje la necessitât che i miôr a sedin a disposizion di ducj chei altris par une cressite comun.
Unanim al è stât il ricognossiment pal impegn dai docents e des fameis tal supuartâ i fruts tal lôr percors formatîf e il ringraciament a lis aministrazions comunâls dai doi Comuns e a la Fondazion CRUP pal sosten economic.
Il Sindic di Gonârs al à rimarcât la centralitât strategjiche da la educazion scolastiche tai obietîfs da la aministrazion comunâl di cumò, par permeti a ducj i students di madressi cui imprescj plui modernis e par dâ a ducj lis stessis pussibilitâts di rivâ tai studis, cun indipendence dal cens e daûr des capacitâts e dal impegn dai singui.
Il Sindic di Bicinins al à sigurât l’impegn dal so Comun, dongje da la Aministrazion di Gonârs par miorâ la cualitât dai servizis che lis scuelis dal ples a ufrissin.
Po e je stade fate la esibizion tradizionâl dai cjants e des musichis di Nadâl coordenadis e presentadis da la professoresse Cristina Stradolini.