inmaneade di
Comun di Gonârs. Sportel pe lenghe furlane
ISKO Italia
Sisteme bibliotecari di Sant Zorç
cul sostegn economic de Provincie di Udin (L.R. 15/96)
e il patrocini dal AIB Friûl Vignesie Julie
Introduzion: il progjet "Archivi de documentazion locâl dal teritori di Gonârs"
CDD e minorancis linguistichis: il câs dal Friûl
Lorena Zuccolo (Sportel pe lenghe furlane di Gonârs)
La ricercje par classis intai catalics eletronics: i risultâts dal scandai Opac semantici
Giulia Visintin (Il Palinsesto)
Classificazion a nivei par une bibliografie web di culture locâl
Claudio Gnoli (Universitât di Pavie)
Variazion locâl e comunicabilitât globâl
Eugenio Gatto (Politecnic di Turin)
Il progjet "Archivi de documentazion locâl dal teritori di Gonârs"
Il Comun di Gonârs al à vût un contribût daûr de L.R. 15/96 "Normis pe tutele e pe promozion de lenghe e de culture furlanis e istituzion dal servizi pes lenghis regjonâls e minoritaris", par un progjet di rilevament, acuisizion in formât digjitâl e organizazion des fonts di interès pal teritori. A vignaran presentâts i risultâts de prime fase di progjet.
CDD e minorancis linguistichis: il câs dal Friûl / Lorena Zuccolo
Lis bibliotechis publichis dal Friûl a doprin par solit la Classificazion Decimâl Dewey ancje pal font di interès locâl, dispès cence nissun sfuarç par esprimi miôr la nature dal font. I limits di chest procediment si sintin une vore: l'intervent, fasint une liste di câs concrets, al vûl tirâ fûr cualchi dubi e cuistion, fermantsi in particolâr su lis classis 400 (Lengaç) e 800 (Leterature).
Classificazion a nivei par une bibliografie web di culture locâl / Claudio Gnoli
Locâl e universâl a àn simpri vivût insiemit inte classificazion. Intai schemis di classificazion si cjatin doi tips di classis preferidis:
1) chês "antropocentrichis", che in gjenar a son acetadis a cidin e utilis in dutis lis bibliotechis, par esempli il considerâ par prime la Tiere jenfri i planets;
2) chês localistichis, che a cambiin a seconde des racueltis, par esempli il considerâ par prime la proprie regjon o l'argoment li che la biblioteche e je specializade.
Jenfri dal progjet Integrative level classification, il simbul @, che al pues vê tancj significâts, al permet di esprimi la classe localmentri preferide, che intai indiçs a salte fûr ordenade prime des letaris e daspò dai numars. Chest sisteme al è sperimentât intune bibliografie web dedicade a une aree dal Apenin tramontan, li che il concet gjeografic di "vals des Cuatri Provinciis" al pues jessi metût dongje e cumbinât cun ogni altri aspiet dal savê, des tradizions musicâls e rituâls al ambient naturâl.